தொலையாத தொலைவுகள்..

பேசிப் பேசித் தீர்த்தபின்பும்
பேச நினைத்த வார்த்தை ஒன்று
தொக்கி நிற்கிறது உதட்டில்
எப்போதும்...

உனக்கான என் கடிதங்களில்
முற்றுப்புள்ளிகளின் அருகே
தேங்கி நிற்கும் மெளனத்தை
படித்ததுண்டா நீ?

வட்டத்தின் முடிவைத்
தேடுவதையொத்து
உன்நினைவைப்
பற்றியலைகிறது என் இருப்பு..

பேச்சிலும்...
மடல்களிலும்...
நியாபகக் குப்பிகளிலும்...
இட்டு நிறைத்த பின்னும்
இன்னும் மிச்சமிருக்கிறது
காதல்!

சொல்லேன் எனக்கு?

இந்த தூரங்களை
எதனை இட்டு நிரப்ப?