அன்புள்ள உனக்கு...

மழையில் நனைந்த பறவையாய்
அடிக்கடி சிலிர்த்துக் கொள்கிறது
மனசு!

செயல்கள் எதிலும்
முழுமையில்லை

கண் பார்த்துப் பேசுதல்...
சிந்தாமல் உணவருந்தல்...
கனவுகளற்ற உறக்கம்....
புருவ மத்தியில் தியானம்...

ம்ஹூம்...
எதுவும் சாத்தியமில்லை
இப்போது!

காலில் இடித்துக் கொண்டு
கல்லைத் திட்டுவதாய்
என்னைக் குற்றம் சாட்டுவது
எளிதாயிருக்கிறது உனக்கு!

என்றுமே நீ
அறியப்போவதில்லை

உன் காதலியாய் இருப்பதின்
கஷ்டங்களை!